قالت أنت تحسب اني من بنات صايعين ((مره خطيره))

[ســارونه]

السلام عليكم ورحمت الله وبركاته


شفتها يا سعود صدفه بعد ما راحت سنين

عند قسم المختبر وسط مشفى الجامعه



جيتها وقلت ممكن في سؤالي تسمحين

ناظرت فيني بدهشه نظرة متواضعه



قالت انت تحسب اني من بنات صايعين

تحسب اني في زماني عن طريقي ضايعه



قلت انا ما راح اطول كل ابوها كلمتين

فابعدت عني شوي ثم جتني راجعه



قالت اسأل واضح انك من رجال طيبين

والا هرجك يالسنافي كان وشو دافعه



قلت انا حبيت وحده يوم وحنا صغيرين

ومن ثمان سنين راحت للمواصل قاطعه



طابعن اسمه بقلبي فيه سين وفيه عين

وفيه الف وفيه دال وسط قلبي طابعه





قاطعتني بقولها (سبحان رب العالمين)

كررتها مره ومرتين وثلاث ورابعه



قلت وش بك وش بلاكي يابعدهم ترجفين

ليه عينك ياالبنيه من كلامي دامعه



قالت الموقف وقلبي والمحبه والحنين

كيف بالقاك عقب ما كنت بعدك قانعه



قلت انا بسألك يمكن انك تذكرين

عن مواثيق ثمنها من حياتي دافعه



قالت ظروف الزمان ما تطيع العاشقين


بيعوني غصب حبك لوهو ماني بايعه



زوجوني غصب واحد واحرموني حاجتين

السعاده في زماني والحياه الرائعه



لا ... والحين انا ام لثلاثه... عندي ريم و ياسمين

والولد اسمه على اسمك والمشاعر جايعه





تقبلو تحياتي

[أبونوره]

الف شكر سارونه

على المشاركه

[الزئبقي]

قصيدة رائعة

ومؤثرة شكرا لك أختي ..

[الرايق]

سارونه

وش هذاااا :eek:

صدقتي

قصيدة خطييييييييييييرة

مؤثرة جدا تهز المشاعر ..

شاعر مبدع حبك القصيدة صح، الوحدة الموضوعية متجلية ،

تجبرك على قراءتها كاملة، مثيرة ومشوقة، وكأنها قصة نسجها الشاعر ببراعة..

بس ياليت قلتي لنا من صاحبها ..

زوجوني غصب واحد واحرموني حاجتين

السعاده في زماني والحياه الرائعه

لا ... والحين انا ام لثلاثه... عندي ريم و ياسمين

والولد اسمه على اسمك والمشاعر جايعه

يا الله شو الحب هذا ..

رووووعه

تسلم يمينك أختي

ولاتبعدي عن المنتدى، فهو بحاجة للمبدعين شرواك ..

ومرحبا مليون ..

[فيونكهـ]

سلمت اناااملك

من جد تهز المشاعر

لاخلا ولاعدم

الى الأمام سارووونه

تقبلي مرووريـــــــــــ

[ســارونه]

يسلموو على المرور

[إمبرآطور]

رووعة واصلي ابدااعك يامببدعه